tere pyaar kaa aasaraa chaahtaa houN

March 13th, 2007
On Bhisham's request, here's the song from the movie 'Dhool Ka Phool'
tere pyaar kaa aasaraa chaahtaa houN
vafaa kar rahaa houN, vafaa chaahtaa houN
haseenoN se ahd-e-vafaa chaahate ho
baRe naasamajh ho, ye kyaa chaahte ho!
tere narm baaloN meiN taare sajaa ke
tere shoKh qadamoN meiN kaliyaaN bichhaa ke
muhabbat kaa chhoTaa saa mandir banaa ke
tujhe raat din pooj_naa chaahtaa houN
zaraa soch lo dil lagaane se pahle
k khonaa bhi paRataa hai paane se pahle
ijaazat to le lo zamaane se pahle
k tum husn ko pooj_naa chaahte ho
kahaaN tak jiyeN terii ulfat ke maare
guzartii nahiiN zindagii bin sahaare
bahut ho chuke door rahkar ishaare
tujhe paas se dekhnaa chaahtaa houN
muhabbat ki dushman hai saari Khudaaii
muhabbat ki taqadeer meiN hai judaaii
jo sunate nahiiN haiN diloN kii duhaaii
unhiiN se mujhe maaNganaa chaahte ho
dupaTTe ke kone ko muNh meiN dabaa ke
zaraa dekh lo is taraf muskuraa ke
mujhe luuT lo mere nazadiik aa ke
k maiN maut se khelanaa chaahataa huuN

Ghalat saare daave Ghalat saarii qasameiN
nibheiNgii yahaaN kaise ulfat ki rasmeiN
yahaaN zindagii hai rivaazoN ke bas meiN
rivaazoN ko tum toRanaa chaahate ho

rivaazoN kii paravaah na rasmoN kaa Dar hai
terii aaNkh ke faisale pe nazar hai
balaa se agar raastaa pur-Khatar hai
maiN is haath ko thaamanaa chaahata houN
Share/Bookmark



Follow sahirludhianvi on Twitter