Muhabbat tark ki maiN ne – ghazal
muhabbat tark kii maiN ne garebaaN sii liyaa maiN ne
zamaane ab to Khush ho zahar ye bhii pii liyaa maiN ne
abhii zindah huN lekin sochataa rahtaa huuN Khalwat meiN
k ab tak kis tamannaa ke sahaare jii liyaa maiN ne
unheiN apnaa nahiiN saktaa magar itnaa bhii kyaa kam hai
k kuchh muddat hasiiN Kh(w)aaboN meiN kho kar jii liyaa maiN n
bas ab to daaman-e-dil chhoR do bekaar ummiido!
bahut sikh sah liyaa maiN ne bahut din jii liyaa maiN ne
Glossary:
tark (karna) = to abandon, leave, desert
garebaaN = collar
Khalwat = Solitude
Posted by sahir.fanatic |
Comments (1)
Its a great contribution to indian literature.
April 13th, 2008 | #